أولا وحشتوني
أول مرة أكمل أسبوع من غير ما أدخل نت <<<< سومة وجولي اتفقوا عليا عشاني ما أذاكر كويس على قولتهم
أول مرة أكمل أسبوع من غير ما أدخل نت <<<< سومة وجولي اتفقوا عليا عشاني ما أذاكر كويس على قولتهم
:p
دا الأسبوع قررت أني أغير أسلوبي مع أختي الصغيرة جوجو 8 سنوات دايم أكون معاها عصبية وما أحب أسمع لها وأخاصمها كثييييييير وما كنت ألاحظ دا الشي الين نبهتني جولي وأخذت كم كلمة على راسي
دا الأسبوع قررت أني أغير أسلوبي مع أختي الصغيرة جوجو 8 سنوات دايم أكون معاها عصبية وما أحب أسمع لها وأخاصمها كثييييييير وما كنت ألاحظ دا الشي الين نبهتني جولي وأخذت كم كلمة على راسي
أمس كانت جوجو تساعدني فتقطيع سلطة الفواكة بعد مخاصمه وعناد وحرب اهليه ساعدتني غصب عني حاولت امسك اعصابي وحاولت اتكلم معاها و أغير اسلوبي زي ماقررت حاولت أفتح موضوع وأنا فاشلة ففتح المواضيع وجا عبالي سؤال دائما نسأله للاطفال
أنا : لجين ايش تبغى تصيري لما تكبري
لجين : طبيبة
سكت ماعرفت ايش اقول والله شي يحير وكأنها حست بحيرتي
لجين : وانتي تبغي تصيري مدرسة وإلا طبيبة وإلا مديرة وإلا مسؤوليه؟؟؟
أنا استغربت من كلمة مسؤوليه بعد تفكير عرفت انو قصدها مسؤولة
أنا : ابغى اصير صحفية قولي يارب
لجين : يارب
وتكمل فتحها لعلبة الاناناس وتديني أشكل
كملت تقطيع السلطة وجا عبالي سؤال ثاني طبعا مو أحسن من اللي قبله
أنا : جوجو أنتي ليش تروحي المدرسة؟؟
طالعت فيا بنظرة كأنها تقول سلامات ايش الطاري
لجين : عشان أتعلم
أنا : وبعدين؟؟
لجين : أفطر
أنا فدي اللحظة حسيييت بغبائي ومسكت الضحكة فنفسي واقول لنفسي ل ق ط
أنا : جوجو أنتي ليش تروحي المدرسة؟؟
طالعت فيا بنظرة كأنها تقول سلامات ايش الطاري
لجين : عشان أتعلم
أنا : وبعدين؟؟
لجين : أفطر
أنا فدي اللحظة حسيييت بغبائي ومسكت الضحكة فنفسي واقول لنفسي ل ق ط
وبعدها قررت أني ما افتح معاها موضوع وعموما هيه ما تفرق معاها
بس والله مرة رهيبة شخصيتها مرة مرحة بس عنييييييييييدة وعصبيييييييية
وخواااااااااااافة مررررررة هيه برجها الجدي وأنا الدلو يعني مرة مانتوافق
أما العالمة الصغيرة توتا 10 سنوات مثالية جدا جدا جدا مثاليه فكلامها ومعاملتها دائما تخطئنا فتصرفاتنا نعمل ألف حساب إذا بنعمل حاجة فنظرها غلط
من صغرها مقياسها الأول الدين
ما تحب تلعب مع الاطفال عكس جوجو تماما جوجو ما تضيع فرصتها فاللعب أما توتا أهم شي مذاكرتها إذا طلبنا منها شي تعمله على أكمل وجه وما تقول لأ مو زي لجين تطلع روحك الين تسمع الكلام
بس والله مرة رهيبة شخصيتها مرة مرحة بس عنييييييييييدة وعصبيييييييية
وخواااااااااااافة مررررررة هيه برجها الجدي وأنا الدلو يعني مرة مانتوافق
أما العالمة الصغيرة توتا 10 سنوات مثالية جدا جدا جدا مثاليه فكلامها ومعاملتها دائما تخطئنا فتصرفاتنا نعمل ألف حساب إذا بنعمل حاجة فنظرها غلط
من صغرها مقياسها الأول الدين
ما تحب تلعب مع الاطفال عكس جوجو تماما جوجو ما تضيع فرصتها فاللعب أما توتا أهم شي مذاكرتها إذا طلبنا منها شي تعمله على أكمل وجه وما تقول لأ مو زي لجين تطلع روحك الين تسمع الكلام
وجوجو اذا قلنا لها ذاكري كويس تصرخ فوجهنا تقول : أنتو تبغوني أمووووووت أتعب وأمووووووت
توتا دايم تتشيك بكعب أختي وملابسها
لما نجي ننصحها فأي شي تسمع الكلام على طول اوقات احنا نعمل عكس النصيحه
وتقولنا : مو انتو قلتولي ما اعمل كدا ليش انتو تعملوه؟؟؟
وهيه و جولي فزحمة على الموية جولي ماتشرب من الكاسه وتوتا تكفشها وتعطيها محاضرة وطبعا جولي صمت مطبق وتغير الموضوع خخخخخخخ
لما احد يسألها ايش تبغي تصيري لما تكبري
تقول عالمة
جدا رائعه هذه الطفلة العالمة الصغيرة
دائما الأطفال يغيرو جو البيت افتقدهم اذا غابوا فترة افتقد ازعاجهم وإن شاء الله علاقتي معاهم تتحسن وأحاول أتعلم أكثر أعتقد الكلام والتعامل مع الأطفال فن مو الكل يتقنه
.......
هذا الاسبوع كان حلو
الإجازة
معلمة الجغرافيا الاثنين الجاي حتداوم
احتمال عالسنة الجاية جامعة عزوز تفتح قسم إعلام للبنات أن شاء الله يارب
توتا دايم تتشيك بكعب أختي وملابسها
لما نجي ننصحها فأي شي تسمع الكلام على طول اوقات احنا نعمل عكس النصيحه
وتقولنا : مو انتو قلتولي ما اعمل كدا ليش انتو تعملوه؟؟؟
وهيه و جولي فزحمة على الموية جولي ماتشرب من الكاسه وتوتا تكفشها وتعطيها محاضرة وطبعا جولي صمت مطبق وتغير الموضوع خخخخخخخ
لما احد يسألها ايش تبغي تصيري لما تكبري
تقول عالمة
جدا رائعه هذه الطفلة العالمة الصغيرة
دائما الأطفال يغيرو جو البيت افتقدهم اذا غابوا فترة افتقد ازعاجهم وإن شاء الله علاقتي معاهم تتحسن وأحاول أتعلم أكثر أعتقد الكلام والتعامل مع الأطفال فن مو الكل يتقنه
.......
هذا الاسبوع كان حلو
الإجازة
معلمة الجغرافيا الاثنين الجاي حتداوم
احتمال عالسنة الجاية جامعة عزوز تفتح قسم إعلام للبنات أن شاء الله يارب
14 comments:
صدقيني
لا تحاولي تعملينهم كأطفال وشوفي الفرق
راح يفتحوا لك قلبهم وتكوني صديقه لهم طول العمر
كلميهم كأنهم كبار وناس من قدك
ربنا يخليكم ولا يحرمكم من بعض
أهلا تالا
بالنسبه لانك ما دخلتي النت اسبوع
انا عندي صاير عندي ادمان
وخاصة بعد ما جبنا الدي اس ال قبل سنه
كم من مره خرب، واشوف اللمبه لونها احمر والا طافيه.. احس ان جزء مني مقطوع
اذا جلست يوم ما دخلت النت احس بغرابه :/
اما الصغار.. فيه منهم الشياطين اللي ما شاء الله اعصار في البيت.. ما شاء الله
وفيه منهم الحبيب الهادئ
بس الصراحة.. الأعاصير الصغار أحسن من الهادئين.. تحسين فيهم حركه مع انهم احيانا مزعجين بزياده
معاملة الصغار... فيه برنامج امي واخواتي احيانا يحطونه اسمه "سوبر ناني" فقد شفته اكثر من مره... ممكن تاخذ دروس منه :D
وبالنسبه لفتح المواضيع.. تحتاجين تاخذين دروس.. لوووول.. امزح :)
مبروك الاجازه من 18 رمضان
تدوينة جميلة
تحياتي
في أمان الله
الأطفال عالم جميل
والله يحفظهم ويصلحهم
بس اللي أعرفه أن برج الدلو يتوافق مع جميع الأبراج
أنتي طالعه خارج القاعدة لبرج الدلو
:P
lol!!
نظرا إلى أني ماعندي بزورة أضغر مني فأنا البزرة لكن عجبني الموضوع!!
الأجمل عندما تبدأي تلاحظي الأشياء المميزة فيهم وفي شخصياتهم وردود أفعالهم..
ربنا يخليلنا البزورة دايما نحب نختبرهم اختبارات ذكاء !!أو من رشاقتنا نطلبهم يجيبو أشياء ويا سلام لو مايبغو!
هيهي
اهلا ليال
ان شاء الله راح أحاول
بجد صعب اني اتلكم معاهم
تسلمين عالدعوة الحلوة
والله لا يحرمك من اللي تحبيهم يارب
منورة يا عسل
....
اهلييين لوست سول
عاد ايش اسوي اذا كان اخواتي متفقين ما اقدر اعمل شي
معك حق المزعجين افضل من الهادين
اصلا يخلو للبيت جو حلو
سوبر ناني
:)))
ان شاء الله
انا فدي الفترة نوعا ما افضل من اول بالنسبة لفتح المواضيع
بس مو مرة وربك يعين
الله يبارك فيك
مرورك الأجمل
منور
اهليين ماشي صح
اللهم امين
تسلم
لا جد برج الدلو ما يتوافق مع الجدي والعقرب
اكثر شي
:)
اذا تكلمت معاهم اتضارب معاهم على طول
ترى مجربة لا تشككني فنفسي اني مشكلجية
:s
منور
.....
sozoso
صح معك حق في اشياء تميزهم كثير عن غيرهم
ههههههههههه
عاد جربي تطلبين من لجين تدخل فراسك ههههههههههه
الله يحفضها
منورة لا تحرمينا من طلتك
السلام عليكم ورحمة الله
فدييييت اخواتك لجين وتوتا انا
والله العظيم انهم يجننوا، الله يحفظكم لبعض انشالله
صحيح
بخصوص الابراج انا كمان الدلو و واحد من اعز اصحابي الجدي :)) يعني موضوع الابراج انا معاكي انه اوقات يصيب بس كان اوقات بخيب
فكرتني لجين يوم كنت اقول لاهلي
أنتو تبغوني أمووووووت أتعب وأمووووووت
ههههههههههههههههههه
والله الطفوله احلى ايام العمر :)) الله يهنيهم
يالله
في امان الله
يييه عل الاطفال, ما احب اجلس في مكان في اطفال كتيير, خصوصا لما يكونوا في سن الرزالة و الهدارة.. يتمجغوا على قلب الواحد اليين يفقعوا له مرارته..
طبعا في منهم تطلع منهم حركات لزيزة لكن بشكل عام, ابعد تسلم.
بس بما انها اختك فوسعي بالك و خلي فشتك واسعة..
بعدين لا تحطي في بالك حكاية الابراج, لانه في البرج الصيني و هو له تأثير, و في عوامل البيئة, و كمان لون العين و غيره كلها اشياء تأثر في الشخصية
و اهلا بك, وحشتيني, مرة تانية لا تطولي كده الا ازا كانت في سبيل الدراسة
:d
تالا
ربي يخليكم لبعض يارب
وصدقيني ماتحسي بي قيمتهم الا لمن تفقديهم
والحمدالله على كل حال
بس تجنن اختك لجين هههههههههههههههه
من جد احلا ايام ايامالطفولة
ربي يخليكم لبعض
:))
وعليكم السلام والرحمة والإكرام
اهلييييين حمزة
تسلم يارب
والله يخليك كل اللي تحبهم يارب
بالنسبة للجدي
ترى ما قلتها إلا من تجربة
مع ناس اعرفهم برجهم الجدي
مااكمل نص ساعة لازم اتضارب معاهم اسلوب برج الجدي ما يتوافق معايا
واوقات يكونو عصبين بدرجة فضييييعه ما اتحملها
والله يخلي لك أعز أصحابك ولا يفرقكم يارب
;)
تسلم يارب وإن شاء الله كل ايامك حلوة
منور
.....
اهليييييييييييين كولتا
كيفك وكيف اسنانك
:D
مو مصبرنا على الاطفال إلا حركاتهم الزيزة
انا بصراحة اخواتي يرفعوا ضغطي بس الان نوعاما انا معاهم افضل احاول بكل الطرق امسك اعصابي
تسلمين يا عسل
ماتشوفش وحش يارب
اه عالدرسة ادعيلي اليوم انواع التحطيم بس ربك يعين
منورة
اهليييييين استازة سارة
اوقات تكون مشكلتي ايش اقول وايش اسألهم
لجين وتقى لهم رأيهم فكل شي رأيهم المستقل وانا ملاحظته بس لما يتكلمو مع اخواتي خصوصا جولي تتقن الكلام مع
الاطفال لكن انا اوقات
تكون المشكلة من ناحيتي انا ما اتقن الاسلوب الصحيح
وانا بحاول اطور نفسي اكثر
الله يسعده يانااااااااسي عليه
متخيلة شكله
:Dمجودي
ههههههههههههههههه
الملاهي احلا يجنننننننن
ذكرتيني اليوم اختي تقى قرأت الجريدة
وجات تقولي
تعرفين انو المثقفين ما يحبو يشوفو طاش ماطاش البايخة
عشان هما يحبو الرسول صلى الله عليه وسلم ما يتفرجو زي كذا
عجبتني كثير
وجلسنا نتناقش كيف نحب الرسول صلى الله عليه وسلم وكانت جد رائعه فكلامها وعندها خلفيه اكثر من اي طفل يكون فعمرها بس اهم شي انو لها رأيها المستقل ما تتأثر برأينا وتحب تناقش
هذا يمز شخصيتها كثير
تخيلي عرفت اني كتبت عنها فالمدونة كانت عندي وانا اشوف مدونتي ولمحت اسمها وقالت بعد ما خلصت انتي ايش قلتي عني ؟؟؟
حاولت اقولها عن الاشياء المشجعه فشخصيتها بعد ما قلت لها قالت طيب بأقرأوه قلت لها لا احرجتني شوي وعجبتني كثير
تسليمن على تعليقك الحلو
منووورة يا قمر الرياض
.....
اهليييييين شادن
تسلمين يارب
لجين تجنن وبس شقاوتها مرة حلوة
الله يحلي كل ايامك يارب
منورة يا عسل
....
اهلييييين رائد
تسلم على الدعوه الحلوة والله يخليلك كل احبابك واصحابك يارب
:)
منور
السلام عليكم
هلا والله والله كلام الاخت ليال صحيح عامليهم على انهم كبار
وراح تشوفين الفرق
بعدين الاخوات لازم تصير بينهم مشاكل
وخلافات اكثر من غيرهم
بس اذا كبروا ينسون ذي الخلافات
وبالنسبة للابراج انا صراحة ماأومن بها
يعني كذب المنجمون ولو صدقوا
وعليكم السلام
اهلا راكان
هو كله شقاوة أطفال
بس غصب يرفعو ضغطك
الله يعين أن شاء الله
تسلم على مرورك منور
Post a Comment